05/07/2014 16:33:36

Mogherini do të vizitojë tiranën

''Nuk ka arsye që reformat të mos njihen dhe të mos shpërblehen''

BRUKSEL - Pas marrjes së presidencës së radhës së Bashkimit Europian, Ministrja jashtme Federika Mogherini tha se do të vizitojë të gjitha vendet e Ballkanit Perendimor. "Gjatë presidencës së radhës të BE-së, së bashku me komisionerin europian për zgjerimin, Stefan Fyle, do të vizitojë të gjitha vendet e Ballkanit Perëndimor, me qëllim që të studiojmë se çfarë mund të bëjmë për procesin e zgjerimit. Nuk ka arsye që reformat në këto vende të mos njihen dhe të mos shpërblehen", tha Mogherini para një grupi korrespondentësh nga Brukseli. Roma mori presidencën e radhës të BE-së më 1 korrik dhe me programin e saj ajo e ka ngarkuar veten me thellimin e procesit të negocimit me Malin e Zi dhe Serbinë. Shqipëria, fitoi statusin e vendit kandidat muajin e kaluar.

HermesNews - ©2014

Dërgo me email | Stampo artikullin