03/07/2014 20:37:03

Vriten tre policë rrugor në Ukrainë

Policia dërgoi menjëherë në terren një grup hetimor, por nuk ka nxjerrë asnjë hipotezë për sa i përket arsyeve të këtij sulmi

DONETSK - Tre policë të qarkullimit rrugor u vranë në Donetsk. Ngjarja ndodhi sot në mëngjes, pranë stacionit hekurudhor. Lajmi u konfirmua nga gazetarët në terren. "Një polic i katërt është plagosur rëndë", tha një mjek. Arsyeja e këtij shkëmbimi zjarri ende nuk dihet për momentin. Një kalimtare tregon se "ishin dy personat që qëlluan drejt policve. Një djal i ri që mbante një veshje kamuflimi, një mantel dhe një kasko. Tjetri kishte rroba të errta dhe kishte flokët brun".Dontesku është qyteti kryesor i rajonit separatist me të njëjtin emër. Grupe rivale të armatosura kryengritësish luftojnë me njëri tjetrin për godina të ndryshme zyrtare, ndërkohë që policia, ndonëse është e pranishme, nuk përpiqet të ndërpresë aktivitetin e tyre.

HermesNews - ©2014

Dërgo me email | Stampo artikullin