03/07/2014 16:32:22

''Paga'' që diskriminon femrat

Pabarazia në pagë mes burrave dhe grave vazhdon të mbetet një problem i mprehtë për Shqipërinë

TIRANE - Ministri i Mirëqënies Sociale dhe Rinisë, Erion Veliaj, tha se taksa progresive mundëson rritjen e pagës neto me 10%; po punohet për përmirësimin e rolit të pagës minimale për rregullimin e sistemit të pagave në përgjithësi.

Në Konferencën Kombëtare të Punës e organizuar nga Organizata Ndërkombëtare e Punës (ILO), ai tha se edhe pabarazia në pagë mes burrave dhe grave vazhdon të mbetet një problem i mprehtë për Shqipërinë. Veliaj vuri në dukje se “politika jonë e pagave ka synuar që të rrisë sigurinë dhe mirëqenien e qytetarëve, produktivitetin e ekonomisë dhe rritjen e cilësisë së shërbimeve.

Por, vlen të theksohet se me vendosjen e taksës progresive mbi të ardhurat nga puna u rritën me rreth 10% pagat neto të mbi 90% të punësuarve me paga të ulta dhe të mesme”, tha Veliaj.

Sipas tij, si një reagim ndaj krizës ekonomike, qeveria ka marrë disa masa për të ruajtur aftësinë konkuruese të biznesit duke vendosur kompensim të pjesshëm për kostot e trajnimit, kompensim të përkohshëm për kontributet e sigurimeve shoqërore për kompanitë që punësojnë punëkërkues të papunë dhe për biznesin e fasonëve.

HermesNews - ©2014

Dërgo me email | Stampo artikullin