03/07/2014 16:18:15

Vrasja e Santos prek bankat

Bumçi, ''gjashtë komisariate që ka Tirana nuk i ndalojnë dot vrasësit''

TIRANE - Vrasja një javë më parë e biznesmenit dhe bankierit Artan Santo është bërë sot objekt debati në seancën plenare të Kuvendit. Duke marrë shkas nga diskutimi i pr/rezolutës për raportin e Prokurorit të Përgjithshëm mbi gjendjen e kriminalitetit për vitin 2013, deputeti i Partisë Demokratike, Aldo Bumçi tha se: "gjashtë komisariate që ka Tirana nuk i ndalojnë dot vrasësit, në zemër të kryeqytetit. Kush e ka fajin për këtë vrasje që ka tronditur rëndë shoqërinë shqiptare. Pasiguria që na shoqëron vjen pasi na drejtojnë të paaftët", u shpreh deputeti Bumçi.

Ish-kryeministri Sali Berisha tha se vrasja e Santos është një ngjarje shumë e rëndë, që dëshmon dështimin e plotë të shtetit. Ai akuzoi maxhorancën për aleancë me krimin, ndërsa e fajësoi shumicën se po e shtyn vendin në kriminalitet. “Lidhjet më të rrezikshme tuaja janë ato me krimin dhe ju nuk mund ta luftoni atë. Kështu ju vetëm sa po e shtyni Shqipërinë në kriminalitet”, iu drejtua Berisha deputetëve të majtë.

Deputeti demokrat, Ridvan Bode tha se ekzekutimi mafioz i Artan Santos ka prekur besimin e një institucioni si banka ‘Credins’, por dhe të një rrjeti institucionesh bankare.

HermesNews - ©2014

Dërgo me email | Stampo artikullin