03/07/2014 16:09:31

82 miliardë në ''xhep'' të shtetit

Në raport me planin e mbledhjes së të ardhurave të këtij viti, është rreth 550 milionë lekë ose 4.11% më shumë.

TIRANE - Administrata Tatimore arkëtoi në buxhetin e shtetit gjatë 6 mujorit të parë të këtij vitit 82.6 miliardë lekë. Krahasuar me të njëjtën periudhë të vitit të kaluar kjo shifër është 12 miliardë lekë ose 17.12% më shumë. Ndërsa krahasuar me planin e këtij viti, të ardhurat janë rritur me 2.3 miliardë lekë ose 2.9% me shumë. Në raport me planin e mbledhjes së të ardhurave të këtij viti, është rreth 550 milionë lekë ose 4.11% më shumë. Gjatë këtij muaji ka patur rritje në të ardhurat tatimore me rreth 3.1 miliardë lekë ose 50.6% më shumë krahasuar me të njëjtën periudhë të vitit të kaluar, dhe rritje me 323.6 milionë lekë ose 3.6% më shumë krahasuar me planin e këtij viti. Kontributet e Sigurimeve Shoqërore janë rritur me 13.2% ose 539.7 milionë lekë më shumë krahasuar me të njëjtën periudhë të vitit të kaluar, si dhe 227 milionë lekë ose 5.16 % më shumë krahasuar me planin e këtij viti.

HermesNews - ©2014

Dërgo me email | Stampo artikullin