03/07/2014 16:05:51

Ekspertët, ruani farat BIO

Ekspertët tërheqin vëmendje se duhet bërë kujdes në ruajtjen e farërave autoktone

TIRANE - Me dhjetëra biznese bujqësore po krijojnë zinxhir prodhimi në fermë duke favorizuar eksportet e produkteve bujqësore. Një ndër këto është një pikë grumbullimi, në Fier, që bën xhiro vjetore me miliona eurosh mallra dhe eksporton duke filluar nga Gjermania, Polonia, BE e deri në Bjellorusi, Serbi e Maqedoni.

Maqedonia vetë është një eksportuese e perimeve por fermerët shqiptarë eksportojnë edhe në Maqedoni. Pikërisht sepse kemi domate me shumë cilësi dhe domatja shqiptare kërkohet për vlerat e veçanta, sidomos domatja e Divjakës. Prodhimet shqiptare eksportohen në Maqedoni, Rusi pavarësisht se është shtet i largët.

Madje kërkesat për eksportin e perimeve të freskëta dhe të gjitha llojeve të frutave është në rritje, ndersa ekspertet sugjerojne, se duhet të mendojmë jo vetëm për eksportin e perimeve dhe frutave të freskëta por edhe përpunimin e tyrë në vend. Ekspertët tërheqin vëmendje se duhet bërë kujdes në ruajtjen e farërave autoktone, pasi në rast se shesim në tregun amerikan shesim sepse përdorim sherebel me farë autoktone, e cila është e pakrahasueshme edhe me farën që vjen nga Kina.

"Madje fermerët tanë e provuan dhe e bënë këtë gabim, ngaqë donin të shtonin prodhimin importuan farën kineze dhe rezultoi që sherebela ishte totalisht me cilësi tjetër, me vlera shumë më të ulta dhe këtë e ndjeu edhe tregu amerikan, i cili uli çmimin. Pasi vetëm me fara autoktone mund të ruajmë çmimin dhe mund të garantojmë tregun" thonë ekspertët.

HermesNews - ©2014

Dërgo me email | Stampo artikullin