30/06/2014 19:25:51

Presim reforma

Barroso: ''presim që ky vendim t’i japë një shtysë refomave dhe progresit të Shqipërisë''

TIRANË - Presidenti i Komisionit Europian, Hose Manuel Barroso, gjatë vizitës së sotme në Tiranë iu drejtua me një fjalë të gjatë përshëndetëse Kuvendit të Shqipërisë, përmes së cilës përcolli mesazhe të rëndësishme për politikën dhe qytetarët shqiptarë.

Në hapje të seancës së posaçme kryetari i Kuvendit, Ilir Meta e cilësoi historike vizitën e sotme në Tiranë të Presidentit të KE-së, e cila vjen pak ditë pas marrjes nga Shqipëria të statusit të kandidatit në BE.

Ai theksoi se miratimi i statusit të vendit kandidat ishte vendimi i duhur dhe plotësiisht i merituar për Shqipërinë

Kreu i Kuvendit ia dha fjalën Presidentit të KE-së, i cili, fillimisht falenderoi qeverinë, Kuvendin dhe popullin shqiptar për mirëseardhjen e ngrohtë “në kryeqytetin e bukur, Tiranë”.

“Ky vendim lë pas një faqe të rëndësishme në historinë e Shqipërisë dhe shënon nisjen e një faze të re ndërtuese. Ne presim që ky vendim t’i japë një shtysë refomave dhe progresit të Shqipërisë në rrugëtimin drejt BE-së”, theksoi Presdienti Barroso.

Sipas Presidentit të KE-së , një rol të rëndësishëm për plotësimin e të gjitha kushteve për anëtarësim në BE, kërkohet angazhimi i politikës.

HermesNews - ©2014

Dërgo me email | Stampo artikullin