30/06/2014 18:43:08

Rama shkrin akujt me serbinë

Së shpejti vizita e kryeministrit në Beograd. Lajmi në prani të presidentit të KEsë

TIRANË - Kryeministri shqiptar. Edi Rama, pritet të zhvillojë së shpejti një vizitë zyrtare në Beograd. Këtë e bëri të ditur vetë ai, gjatë konferencës së përbashkët për shtyp që mbajti me Presidentin e Komisionit Europian, Jose Manuel Barroso. Data dhe koha e qëndrimit pritet të bëhet e ditur së shpejti e ditur nga stafi i kryeministrit, por mësohet se ambasadat e të dy vendeve po pun ojnë intensivisht për realizimin e kësaj vizite. Presidenti i Komisionit Europian, Jose Manuel Barroso, ka përshëndetur vizitën e ardhshme të Kryeministrit Rama në Serbi. Dy ditë më parë, Kryeministri i Serbisë, Aleksandar Vuçiç, i dërgoi një letër sot homologut të tij shqiptar, Edi Rama ku e përgëzoi për suksesin e Shqipërisë në marrjen e statusit kandidat për anëtarësimin në BE.

HermesNews - ©2014

Dërgo me email | Stampo artikullin