30/06/2014 17:28:08

Ministria përgënjështron mediat

Asnjë efektiv policie nuk është vënë nën hetim për çështjen ''Santo''

TIRANË - Ministria e Punëve të Brendshme sqaron se lajmi i publikuar sot në disa media, se punonjës të Policisë Rrugore të Tiranës janë marrë nën hetim nga Prokuroria në lidhje me veprimet apo mosveprimet e tyre në rastin e vrasjes së shtetasit Artan Santo është i pavërtetë. Asnjë efektiv policie nuk është vënë nën hetim për këtë çështje. Nga ana tjetër të gjithë punonjësit dhe drejtuesit e policisë që kanë pasur lidhje me ngjarjen apo kanë pasur informacione të dobishme për hetimin, kanë dhënë deklarimet e tyre pranë Oficerëve të Policisë Gjyqësore dhe grupit hetimor. Policia e Shtetit vijon bashkëpunimin e ngushtë me prokurorinë për dokumentimin e shkaqeve të kësaj ngjarjeje si dhe identifikimin e kapjen e autorëve të saj.

HermesNews - ©2014

Dërgo me email | Stampo artikullin