27/06/2014 15:20:57

Vijon gjuetia e vrasësve të Artan Santos

Policia merr në pyetje 15 persona: heton konfliktet që ka patur ish biznesmeni

TIRANË - Policia e Tiranës vijon kërkimet për kapjen e autorëve që ekzekutuan të enjten bankierin dhe botuesin e njohur, Artan Santo. Deri tani janë shoqëruar në polici rreth 15 persona për të dëshmuar. Shoqërimi i tyre, sqaruan burimet, është bërë në cilësinë e dëshmitarëve, por dhe personave të cilët mund të kenë dijeni për konfliktet që biznesmeni mund të ketë pasur.
Grupi hetimor po punon dhe po zgjeron punën e tij në disa pista, për të cilat është tepër i rezervuar. Gjatë ditës së djeshme policia shoqëroi dhe dy persona në fshatin Bubq të Fushë Krujës, Klodjan Gjozi, ish-pronar i motorrit me të cilën është kryer vrasja dhe Sajmir Gjozin, pronar i një servisi, ku është riparuar motorri para se të shitej. Drejtori i Përgjithshëm i Policisë së Shtetit, Artan Didi, ka zhvilluar dy mbledhje brenda 12 orëve me drejtuesit e policisë. Në mbledhje kanë marrë pjesë Drejtori i Policisë së Tiranës, Ardian Çipa, si dhe 6 shefat e komisariateve të kryeqytetit. Vrasja e biznesmenit Artan Santo ndodhi dje, rreth orës 09:30, në zemër të kryeqytetit.


Promo

HermesNews - ©2014

Dërgo me email | Stampo artikullin