27/06/2014 15:03:33

Sekuestrohet 1 ton e 782 kg drogë

Deri tani 30 arrestime për drogë në Lazarat

LAZARAT - Policia e Shtetit vijon operacionin në Lazarat për kontrollin e territorit dhe ambienteve, për asgjësimin e lëndëve narkotike, sekuestrimin e sendeve të kundërligjshme. Gjatë ditës së sotme u gjet një sasi prej 1 ton e 782 kg marijuanë në 3 ambiente të ndryshme, sekuestrimi i 11 armëve zjarri automatikë, 3 armëve zjarri pushkë, 3 armëve të gjahut çifte, 3705 fishekë të llojeve të ndryshme, sekuestrimi i 930 copë kapsolla detonatore, sekuestruar 1 kallëp tritol, 1 granatë, 30 ml fitil zjarrpërcjellës dhe një sasi tjetër fitili zjarrpërcjellës. U sekuestrua dhe 1 automjet. Dje është bërë arrestimi shtetasit Abas Avdulla Birbili, vjeç 61, pasi gjatë kontrollit të ushtruar nga forcat e policisë në banesën e tij në fshatin Lazarat gjatë ditës së djeshme i është gjetur një sasi prej 22 thasë të mbushur me bimë narkotike kanabis sativa, me një peshë prej 210 kg, si dhe 4 pako të mbështjella me natriban me bimë narkotike kanabis sativa me një peshë prej 2.8 kg. Në kuadër të këtij operacioni deri në këto momente janë arrestuar e ndaluar 30 persona.


Promo

HermesNews - ©2014

Dërgo me email | Stampo artikullin