27/06/2014 13:40:47

Nuk kemi me nevojë për ndihma

Kryeministri grek pret që vendi i tij të lërë pas recesionin

ATHINE - "Athina nuk kërkon paketë të tretë ndihme financiare", është titulli i një fragmenti të intervistës së kryeministrit grek, Antonis Samaras që botohet në faqen elektronike të gazetës ekonomike gjermane Handelsblatt. "Kryeministri grek pret që vendi i tij të lërë pas recesionin. Dhe përsa i përket reduktimit të borxhit, kryeministri sheh progres. Kjo vazhdon të thotë punë për vendin e tij", citon në hyrje të shkrimit gazeta dhe vazhdon se "Greqisë nuk i nevojitet një paketë e tretë ndihme, pas përfundimit të pagesave të BE-së këtë vit. Dhe nuk sheh për dy vitet e ardhshme një vakum financiar që do t’i bënte të nevojshme kreditë e mëtejshme të ndihmës". Për Greqinë, kjo do të thotë se do të vazhdojë të punojë për reformat strukturore dhe se do të vazhdojë politikën fiskale.


Promo

HermesNews - ©2014

Dërgo me email | Stampo artikullin