25/06/2014 18:04:44

Sa borxh pagoi Qeveria deri tani ?

Në buxhetin e vitit 2014, në kuadër të kësaj strategjie është parashikuar të shlyhen rreth 350 milionë dollarë fatura të prapambetura

TIRANE - Ministria e Financave deri më datë 20 qershor 2014 alokoi rreth 287 milionë dollarë detyrime të prapambetura. Në sektorët investimet publike janë alokuar 84 milionë dollarë, shpenzime korrente për mallra dhe shërbime dhe kategorinë të tjera janë alokuar rreth 61 milionë dollarë, rimbursim i TVSH janë alokuar rreth 97 milionë dollarë dhe atij energjetik rreth 45 milionë dollarë. Nëse llogarisim edhe detyrimet e paguara në dhjetor 2013, ku janë shlyer rreth 20 milionë dollarë detyrime për personat me aftësi të kufizuar dhe 30 milionë dollarë për sektorin e infrastrukturës rrugore, në total fatura e borxheve të vjetra të alokuara deri më tani arrin gati 337 milionë dollarë. Në buxhetin e vitit 2014, në kuadër të kësaj strategjie është parashikuar të shlyhen rreth 350 milionë dollarë fatura të prapambetura. Qeveria shqiptare në muajin shkurt 2014 miratoi Strategjinë e Shlyerjes së Detyrimeve të Prapambetura dhe planin e veprimit ndaj biznesit dhe individëve.


Promo

HermesNews - ©2014

Dërgo me email | Stampo artikullin