25/06/2014 15:31:05

Jo ndërhyrje ushtarake në Ukrainë

Presidenti rus, Vladimir Putin i kërkoi dje Këshillit të Federatës (dhoma e lartë e Parlamentit) heqjen e autorizimit për ndërhyrjen ushtarake në Ukrainë

MOSKË - Dhoma e lartë e Parlamentit rus pranoi sot heqjen, me kërkesë të presidentit Vladimir Putin, e autorizimit të votuar në muajin mars për ndërhyrje ushtarake në Ukrainë. Vetëm një senator ka votuar kundër, ndërkohë që 153 të tjerë kanë miratuar vendimin e presidentit, për të cilin Kremlini theksoi dje se ky vendim parashikon të ndihmojë në normalizimin e situatës në Ukrainë. Ky votim bëhet menjëherë efektiv. Presidenti rus, Vladimir Putin i kërkoi dje Këshillit të Federatës (dhoma e lartë e Parlamentit) heqjen e autorizimit për ndërhyrjen ushtarake në Ukrainë, që ishte vendosur më 1 mars. Ai kërkoi gjithashtu zgjatjen e armëpushimit të përkohshëm që do të përfundojë të premten.


Promo

HermesNews - ©2014

Dërgo me email | Stampo artikullin