25/06/2014 12:48:09

Akuza për vrasje ndaj kreut të bashkisë në Lazarat

Prokuroria e krimeve të rënda, ka hapur dosjen e Dasho Alikos. Mbi të rëndojnë akuza si vrasje e mbetur ne tentativë gjatë operacioneve të uniformave blu. Ai ka qëlluar mbi policinë dhe akuzohet se ka lënë të arratisen trafikantët

LAZARAT - Një 29 vjeçar është arrestuar nga policia në Lazarat, pasi iu gjet brënda banesës 46 kg kanabis, 14 granata mbrojtëse, 4 ndezësa të unifikuar dhe një kuti tjetër me ndezësa.

Një sasi e kunsiderueshme armatimi e municioni u gjet buzë lumit Drino dhe në lumin Drino, poshtë varrezave të reja të qytetit Gjrokastër. Bëhet fjalë për mitrolozë të rëndë, murtaja, granatëhedhës, granata, fishekë, predha murtaje.

Policia deri tani ka arrestuar 27 persona, për sulmet me armë ndaj forcave të policisë, për prodhim e shitje të narkotikëve, për kultivimin kanabisi, kundërshtim të punonjësve të policisë apo për shkatërrim prone.

Deri tani në Lazarat janë asgjësuar 133.567 rrënjë bimë narkotike dhe fidanë dhe të një sasie mbi 54 ton e 410.565 kg kanabis sativa, duke marrë dhe mostrat përkatëse në cilësinë e provës për ekzamimin.

Janë gjetur 8 pako heroinë në qendër të Lazaratit, janë sekuestruar 1.3 kg lëndë narkotike çokollatë dhe 3 kg farë kanabis sativa.


Promo

HermesNews - ©2014

Dërgo me email | Stampo artikullin