23/06/2014 12:38:22

Arrestohet inspektori në Lazarat

Deri tani janë arrestuar 22 persona të dyshuar për sulmet me armë ndaj forcave të policisë

TIRANË - Mbrëmë është bërë arrestimi i Turabi Basho, 50, banues në Lazarat, pasi gjatë kontrollit të ushtruar në bodrumin e banesës është gjetur e sekuestruar një armë zjarri automatik dhe tre krehëra me fishekë. Në një largësi 5 m nga banesa, brenda një stalle, u gjetën 4 thasë me kanabis sativa e thatë me një peshë prej 234 kg. 50 vjeçari akuzohet për armëmbajtje pa leje dhe prodhim e shitje të narkotikëve. Shërbimi i kontrollit të brendshëm, arrestoi në flagrancë inspektor Lorenc Alia, nën akuzat për shpërdorim detyre, pasi kishte abuzuar me informacionet gjatë proçesit të shoqërimit dhe sekuestrimit të automjeteve të dyshuara në Lazarat. Deri tani janë arrestuar 22 persona të dyshuar për sulmet me armë ndaj forcave të policisë, për kultivimin kanabisi, prodhim e shitje të narkotikëve dhe kundërshtim të punonjësve të policisë apo shkatërrim prone.


Promo

HermesNews - ©2014

Dërgo me email | Stampo artikullin