19/06/2014 14:04:44

LAZARATI NE DUART E POLICISE

olicia e Shtetit është prezent tashme në të gjithë Komunën e Lazaratit,

(21:00) Policia e Shtetit falenderon banoret e Lazaratit per mbeshtetjen qe po i japin policise gjate ketij operacioni. Vijon perparimi i strukturave te policise ne brendesi te fshatit Lazarat.


(20:51) Polica shqiptare është prezent tashmë në të gjithë territorin e Lazaratit, duke e kontrolluar të gjithë këtë zonë e cila prej kohësh mbahej peng nga një grup i gjerë dhe i rrezikshëm kriminal.

Drejtoria e Përgjithshme e Policisë, nëpërmjet një njoftimi të zëdhënëses Laura Totraku, bën të ditur se “Policia e Shtetit është prezent tashme në të gjithë Komunën e Lazaratit, duke mbajtur nën mbikqyrje situatën dhe duke ofruar dhe rend e siguri për banorët e Lazaratit. Policia e Shtetit falënderon banorët e Lazaratit për mbështetjen e dhënë forcave të policisë dhe u bën thirrje që të qëndrojnë në banesat e tyre dhe të asistojnë veprimet procedurale të Policisë së Shtetit, duke garantuar një veprim profesional, ligjor dhe në përputhje me standardet dhe në respekt të plote të lirive dhe të drejtave të njeriut

Në një njoftim të 30 minutave më parë të zëdhënëses së Drejtorisë së Policisë së Shtetit, Laura Totraku, theksohet se vijon përparimi i strukturave të policisë në brendësi të fshatit Lazarat.

Gjithashtu, në një njoftim të mëhershëm, Policia e Shtetit bëri të ditur se “Forcat speciale po përparojnë dhe është marrë nën kontroll objekti ku ishte vendosur mitrolozi i rendë që qëllonte me armë drejt policisë.

Ministri i Brendshëm, Saimir Tahiri, në një postim në faqen zyrtare në Facebook paraqet disa pamje nga operacioni dhe thekson se “Këta djem po sakrifikojnë jetën e tyre për shoqërinë e drejtë që duam të gjithë. Policia po përparon çdo minutë, bravo çuna!”.


(16:39) Forcat e Policisë së Shtetit po vijojnë me depërtimin hap pas hapi për në brendësi të fshatit Lazarat, duke ushtruar kontroll në territoret e banesave, tokave përreth tyre dhe në tokat e komunës. Gjatë veprimeve në terren forcat policore janë të pajisura me mjete të posaçme për veprime kundër grupeve dhe bandave të armatosura dhe armatim i rëndë për t’iu përgjigjur reagimit me armë të grupit kriminal. Për transportin e forcave dhe të pajisjeve policore janë përdorur dhe helikopterët. Gjatë paradites së sotme është ushtruar kontroll në territoret e një numri të konsiderueshëm banesash dhe ambientesh të tjera në brendësi të fshatit Lazarat, tokave përreth tyre dhe në tokat e komunës në territorin, ku forcat e polcisë kanë depërtuar në zonë. Në kuadër të këtyre kontrolleve janë gjetur e asgjesuar mbi 287 kg marijuanë, si dhe sasi armatimi e municioni. Policia e Shtetit do të vijojë me vendosmëri operacionin e ndërmarrë gjatë këtyre ditëve deri në përmbushjen e plotë të objektivave.





LAZARAT - RENEA dhe Forcat e ndërhyrjes së shpejtë ndodhen në zonën më të nxehtë të Lazaratit. Operacioni mbështetet dhe me dy helikopterë me 20 trupa seicili që kanë zbritur në Sopot. Në drejtim të Lazaratit mund të jenë nisur dhe dy autoblinda të ushtrisë amerikane që i janë vënë në dispozicion të armatosur me automatikë. Policia ka mbyllur të gjitha kalimet që mundësojnë largimin e grupit që qëllon policët. Zona ku mendohet se ndodhen ndërtesat nga ku qëllon grupi i armatousr prej gati 20 personash është rrethuar. Janë të paktën 3 banesa që synohen të merren nën kontroll në Lazarat, ku dyshohet se janë rreth 20 persona që qëllojnë në drejtim të policisë. Në planin e ri operacional ku janë angazhuar mbi 1000 forca speciale kanë për synim të marrin të gjitha pikat rreth fshatit si dhe të ngushtohet zona ku ndodhet grupi i armatosur që vazhdon të qëllojë mbi policinë.
.

HermesNews - ©2014

Dërgo me email | Stampo artikullin