19/06/2014 08:25:24

Për lazaratin të flasin gjykatat

Komisioni Europian përshëndet operacionin e suksesshëm të policisë ditën e hënë kundër një plantacioni me kanabis në fshatin Lazarat

TIRANË - Komisioni Europian ka përshëndetur ndërhyrjen e policisë shqiptare në fshatin e Lazaratit. Në një deklaratë për shtyp, që u është shpërndarë korrespondentëve shqiptarë në Bruksel, KE thekson se kjo tregon vendosmërinë e Shqipërisë në luftën kundër drogës. "Komisioni përshëndet operacionin e suksesshëm të policisë ditën e hënë kundër një plantacioni me kanabis në fshatin Lazarat në jug të Shqipërisë dhe në rrethinat e tij. Kjo tregon qartë vendosmërinë e Shqipërisë në luftën kundër drogës dhe krimit të organizuar", thuhet në deklaratën e KE. Sigurisht, vijon deklarata, “që lufta e Shqipërisë kundër drogës duhet intensifikuar më tej, por aksioni i djeshëm tregon se Shqipëria është në udhën e duhur, siç nënvizohet në raportin e qershorit të Komisionit”. “Ndjekja e menjëhershme dhe efektive nga ana e prokurorisë dhe gjykatave është esenciale”, përfundon deklarata e KE.

HermesNews - ©2014

Dërgo me email | Stampo artikullin