18/06/2014 20:32:24

Lazarati dhe e drejta për informacion

nga Doriana Metollari

HermesNews - Është evidente ekzistenca e një marëveshjeje për shpërndarjen e informacionit për lazaratin këtë herë.

Nuk ka dyshim se komunikimi në këtë rast duhej trajtuar në formën e duhur dhe informacioni që dilte nga zyra e shtypit e policisë rreth saj duhej të ishte i kujdesshëm, por është evidente se ky informacion ka qenë i kanalizuar me anë të ujërave të pak mediave si "eksluzive".

Nga ana tjetër kemi marrë komunikata në mënyrë shumë të rregullt, nga zëdhënësat por asnjë përgjigje për informacione shtesë që kemi kërkuar.

Lazarati ka qenë i izoluar terësisht në terren dhe vetëm dy media kanë patur akses.

Unë besoj se po ndodh diçka ndryshe për tregun shqiptar mediatik, diçka që unë e quaj "favorizim informacioni". Pse ? Sepse për raste të tilla ka gjithmonë një strategji komunikimi dhe kjo është krejt normale, por etika do që ajo çfarë del zyrtare nga dera e policisë për publikun t'u jepet të gjitha mediave.

Nuk dua të hyj në meritën e këtij aksioni dhe të flas për vështirësitë, por t'a marrësh gazetarin ta fusësh në Lazarat t'a mbrosh dhe t'ia japësh informacionin llokum nuk është gazetari, por tregti lajmesh ku reporteri është vetëm sekser marëveshjeje.

HermesNews - ©2014

Dërgo me email | Stampo artikullin