18/06/2014 19:11:48

Skocia, e ndarë si në mesjetë

Ka ndarje të ndryshme mes shefave dhe klaneve mbi çështjen se çfarë është më e mirë për Skocinë

LONDËR - Shekujt kalojnë, por klanet skoceze vazhdojnë të ruajnë dasitë e tyre historike për pavarësinë e Skocisë. Në një dokument të publikuar nga Standing Council of Scottish Chiefs (SCSC), që bashkon 120 nga 140 shefat e klaneve, afirmohet neutraliteti i tyre kundrejt ndarjes së Edimburgut nga Britania e Madhe, çka do të vendoset ekzaktësisht pas tre muajsh në referendumin e 18 shtatorit.

”Ka ndarje të ndryshme mes shefave dhe klaneve mbi çështjen se çfarë është më e mirë për Skocinë. Për shkak të këtyre pikëpamjeve të ndryshme SCSC-ja nuk do të shprehet lidhur me çështjen e pavarësisë”, lexohet në dokument.

Ashtu siç nënvizon gazeta britanike ”The Independent”, nuk ka ndryshuar shumë nga 700 vite më parë kur, në luftën për pavarësi që pati për protagonistë William Wallace dhe Robert Bruce, shumë klane kaluan nga ana e mbretit të Anglisë.

”MacNab-ët ishin në anën e anglezëve në betejën e Bannockburnit (në vitin 1314)”, thotë Jamie MacNab, i cili ashtu si shumë shefa të tjerë nuk miraton pavarësinë e Edimburgut nga Britania e Madhe.

Dallimet politike kanë mbetur të njëjta me kalimin e shekujve. Disa klane janë në favor të bashkimit me Anglinë, i shpallut në vitin 1707, ndërkohë që klane të tjera e kundërshtojnë.

HermesNews - ©2014

Dërgo me email | Stampo artikullin