17/06/2014 15:32:41

Ka ardhur koha të kapim kriminelët

Tahiri kërkon bashkëpunimin e të gjitha palëve. ''Ka një anë të drejtë në këtë shoqëri dhe ne jemi pranë saj''

TIRANЁ - "Lufta që policia po bënë është shembulli më i mirë i vullnetit dhe vendsoshmërinë tonë për të kthyer ligjshmërinë edhe në këtë komunë, ashtu siç kemi bërë në çdo cep të shqipërisë në këto pak muaj në qeverijse", tha Ministri i Brendshëm.

"Ne, shtoi Tahiri, jemi shumë të vendosur që të shpëtojmë qytetarët e Lazaratit nga kriminelët që i kanë marrë peng. Për të dënuar të gjithë ata që këta banorë i kanë shfrytëzuar dhe për ti dhënë imunitet të drejtës dhe ligjshmërisë dhe jo pandëshkueshmërisë", theksoi Ministri i Brendshëm.

Duke iu përgjigjur interesit të gazetarëve lidhur me vijueshmërinë ose jo të operacionit që zgjat prej dy ditësh tashmë, Tahiri u përgjigj duke garantuar se, aksioni do të vazhdojë deri sa policia të marrë nën kontroll çdo centimetër të Lazaratit.

"Policia e Shtetit do të vijoi dhe nuk do të rreshtë asnjëherë së bëri detyrën e saj. Të jeni të bindur se Policia e Shtetit nuk do të largohet pa marrë nën kontroll çdo centimetër të Lazaratit. E theksojë ka ardhur ora për të kapur kriminelët në lazarat. Prandaj ju ftojë ju si media, të gjitha banorët e Lazaratit të bashëkpunojnë me Policinë", tha Tahiri.

I pyetur për takimin me drejtuesit e policisë së Shtetit, Tahiri tha se gjatë takimit i ka kujtuar se është momenti për të qenë gjithë bashkë të bashkuar pranë Policisë.

"I kujtova detyrën që duhet kryejnë, i kujtova që këto janë momentet për tu gjetur në krahë të policisë së shtetit, në të kundërt janë në krah të kriminelëve. Operacioni do të përfundojë kur çdo centimetër i Lazaratit të jetë nën kontroll të policisë së shtetit, ashtu siç është çdo centimetër i shqipërisë në këto momente. Ka një anë të drejtë në këtë shoqëri dhe ne jemi pranë saj", shtoi ai.

HermesNews - ©2014

Dërgo me email | Stampo artikullin