17/06/2014 15:08:38

PD thyen heshtjen për Lazaratin. Lufta është për tregun e drogës

''Droga nuk luftohet nga përdoruesit dhe trafikantët por nga aleanca e njerëzve të ndershëm''

TIRANE - Partia Demokratike mbështet çdo "aksion kundër narko-trafikut", shkruan deklarata për shtyp. "Ne mbështesim forcat e policisë në aksionet e tyre, sikundër u bëjmë thirrje qytetarëve të distancohen nga elementët me precedentë kriminalë", tha zëdhënesja Silvi Bardhi. Ajo shkruan se, "çdo sulm ndaj policisë është goditje ndaj shtetit". E rëndësishme në këtë aksion janë jetët e qytetarëve, çfarë sipas PD-së, "nuk mund ta bëjë as Tahiri dhe as Rama. Narkotrafikantët e punësuar në zyrat e shtetit nuk mund ta luftojnë drogën. Ata mund të lajnë hesapet me njëri-tjetrin, por kjo nuk është luftë ndaj drogës, por luftë për kapjen e tregut. Droga nuk luftohet nga përdoruesit dhe trafikantët por nga aleanca e njerëzve të ndershëm", përfundon komunikata.

HermesNews - ©2014

Dërgo me email | Stampo artikullin