17/06/2014 14:26:02

Gurët e parë të agroturizmit

Ilir Meta inauguron dy biznese të reja në Durrës

TIRANË - Përurohen dy biznese të reja në Durrës. Të pranishëm në këto aktivitete ishin Ambasadori izraelit në Tiranë, David Cohen dhe Ministri i Mjedisit, Lefter Koka. Meta inauguroi repartin e përpunimit të çantave të kartonit në kompaninë Buna, investim i biznesmenit Artur Bujari.Vlera e investimit arrin gjysmë milionë euro. Në të punësohen 60 veta. Sipas planit të biznesit pritet të hapen në total 350 vende të reja pune. Kjo iniciativë ndihmon edhe në mbrojtjen e mjedisit, duke përdorur materiale të riciklueshme. Kryetari i Kuvendit ishte i pranishëm edhe në përurimin e fermës së agroturizmit në Rrashbull, që do të realizohet nga i njëjti investitor. Bëhet fjalë për një investim prej 4.5 milionë eurosh që do të hapë fillimisht rreth 40 vende të reja pune. Ferma është ndërtuar sipas modeleve izraelite, që janë të famshëm në botë për agroturizmin. Meta vuri tullën e parë të kompleksit multifunksional që pritet të jetë gati brenda tre viteve si edhe mbolli një fidan ulliri.

HermesNews - ©2014

Dërgo me email | Stampo artikullin