17/06/2014 13:43:07

Rusia mbyll gazin; BE ndërhyn për rezervat e ukrainës

Ukraina konsumoi 50 miliardë metra kub gaz në vitin 2013, nga të cilat 30 miliardë metra kub të blera nga ''Gazprom''

BRUKSEL - Komisioni Europian i kërkoi Ukrainës që të rrisë rezervat e saj të gazit nga 13,5 në 20 miliardë metra kub para se të përfundojë vera dhe do të shqyrtoj rreziqet e ndërprerjes së gazit për BE-në, njoftoi një zëdhënës. Gazprom vendosi dje të kushtëzojë livrimet e tij të gazit në Ukrainë nëpërmjet modelit të parapagimit dhe deklaroi se, "ndërpreu livrimet pasi asnjë pagesë nuk është kryer për muajin Qershor". "Për të garantuar furnizimin me gaz rus të blerë nga BE-ja, rezervat ukrainase duhet të mbajnë rreth 18 dhe 20 miliardë metra kub, ndërsa niveli i tyre aktual është 13,5 miliardë metra kub", shpjegoi Sabine Berger, zëdhënëse e komisionerit për Energjinë Gunther Oettinger.

HermesNews - ©2014

Dërgo me email | Stampo artikullin