17/06/2014 09:51:01

Plagosen dy barinj në Lazarat

Një 19 vjeçar dhe një 33 vjeçar nga Pogradeci mbeten të plagour. Jashtë rrezikut për jetën

(18:21) Artan Didi tha sot për gazetarët se, “Nuk kam informacione për lidhje politike por ky është një veprim i strukturuar dhe i dirigjuar duke parë dhe lojrat që janë bërë dje përmes komunikimit me median nga një pjesë të elementevë kriminalë. Ata të vijnë të përgjigjen para ligjit për veprën penale që kanë bërë. Jemi të vendosur të vendosim ligjin në çdo centimeter”.


(18:20) lëvizja Socialsite për Integrim mbështet fuqimisht aksionin e Policisë së Shtetit në Lazarat. Në një dalje për mediat nga selia e kësaj partie kreu i grupit kuvendor të LSI është shprehur se ky aksion ka mbështetjen të gjithë ndërkombëtarëve por edhe të gjithë shqiptarëve. Ai bëri edhe një thirrje për të gjitha forcat politike pa asnjë ndasi që të mbështesin këtë operacion.


(18:20) "Me ne, me ligjin e policinë, o përballë nesh ku konsiderohen kriminelët”. Kjo ka qenë deklarata që ministri i Brendshëm Saimir Tahiri ka përcjellë publikisht për Dasho Alikon, kryetarin e komunës së Lazaratit.
Pas takimit që zhvilloi në Drejtorinë e Policisë së Gjirokastrës dhe ku ishte i pranishëm edhe Aliko, por u largu para kohe tepër i irrituar Ministri Tahiri tregoi për gazetarët se cila ka qenë biseda mes tij dhe Alikos në takimin me dyer të mbyllura. ”I kujtova përgjegjësitë që ka para ligjit dhe këto janë momente për të qenë në kah të policisë dhe ligjit në të kundërt janë kriminelë dh do të konsideohen të tillë”. Policia akuzoi dje Alikon se po kishte ndihmuar të arratiseshin nga shtëpia e Razip Mahmutajt grupin kriminal i cili kishte qëlluar mbi policinë gjatë aksionit për asgjësimin e kanabisit. Ndërsa sot policia e shtetit akuzoi Alikon se nuk ka treguar asnjë fjalë për grupin kriminal i cili vepronte në lagjen Zinxhira e që kanë vështirësuar lëvizjen në aksin rrugor. Sipas policisë nga banesa e Erik e Gurgaz Skenderi dhe Bajo Skendulit po qëllohet në drejtim të policisë e kanë grumbulluar shumë armatim.


(18:02) Sipas policise, nga banesa e Erik e Gurgaz Skenderi dhe Bajo Skendulit po qëllohej në drejtim të uniformave. Policia akuzon dhe kryetarin e Komunës Dasho Alikoi se nuk kishte bashkëpunuar me policinë për të treguar grupin që vepron brenda në fshatin Lazarat. Drejtori i Përgjithshëm i Policisë Artan Didi thotë se harta e parcelave me kanabis është shumë e gjerë, ndërsa që banorët kanë djegur vetë parcela me kanabis, madje kanë kanë djegur edhe sasi me kanabis që ishte i viti të kaluar.


(17:48) Një 33 vjeçar ka mbetur i plagosur në fshatin Lazarat. Bariu nga Pogradeci mori plagë në bark dhe është jashtë rrezikut për jetën. Policia i bën thirrje banorëve të Lazaratit të ikin nga fshati.


(16:52) Rreth orës 16:00 nga të shtënat e grupit kriminal në brendësi të fshatit Lazarat, ka mbetur i plagosur në dorë dhe në këmbë shtetasi D.R., vjec 19, nga Ura Vajgurore, bari. Ky shtetas ka marrë mjekimin e nevojshëm pranë spitalit të Gjirokastrës dhe është jashtë rrezikut për jetën. Policia po heton per rrethanat.


(14:05) Ministria e Punëve të Brendshme përsërit thirrjen e saj për banorët e fshatit Lazarat, që të distancohen nga elementët kriminalë dhe të mos dalin nga banesat për arsye të sigurisë së jetës dhe shëndetit të tyre. Të gjithë qytetarët e tjerë, duhet të evitojnë plotësisht hyrjen për në fshatin Lazarat deri në një njoftim të dytë zyrtar të policisë. Banorët e zonave përreth fshatit Lazarat këshillohen të bëjnë kujdes me lëvizjen jashtë banesave të tyre, deri në përfundim të këtij operacioni policor. Shërbimet e Policisë së Shtetit janë në gadishmëri të plotë për t’u ardhur në ndihmë në çdo kohë, të gjithë qytetarëve që do të kenë nevojë.


(13:50) Policia e Shtetit kupton shqetësimin e banorëve të Lazaratit dhe sqaron banorët se nuk janë plumbat e policisë që po bien mbi Lazarat por plumbat e grupit të armatosur që po vepron brenda Lazaratit, plumba të atij grupi që plagosën avokatin para dy ditësh, që plagosën punonjësin e policisë së shtetit duke u gdhirë dita e sotme, janë po ato plumba që kanë shqetësuar fshatrat përrreth dhe lagjen Zinxhira e që kanë vështirësuar lëvizjen në aksin rrugor.

I bëjmë me dije Kryetarit të Komunës se shqetësimi vjen nga ky grup i armatosur, grup për të cilin kreu i komunës nuk ka thënë asnjë fjalë deri në këto momente dhe që vepron brenda në fshatin lazarat.



(10:10) Blutë vazhdojnë aksionet për asgjësimin e territoreve të mbjella me kanabis. Aktualisht në terren janë 800 forca policore të drejtorisë së përgjithshme të policisë së shtetit, Drejtorisë së Policisë së Qarkut Gjirokastër, forcave speciale RENEA, forca të FNSH-së së Fierit, Shkodrës dhe Tiranës, si dhe të Delta Forcë në Vlorë. Po ashtu në këtë operacion janë përfshirë dhe shërbime të tjera speciale. Këto forca janë të mbështetura nga mjete të posaçme. Strukturat e posatçme të hetimit janë ngritur të orientuara nga Prokuroria për Krime të Rënda, të cilët po vijojnë veprimet paralel me veprimet operacionale të strukturave policore në terren.


LAZARAT - Finalizohet me gjashte arrestime operacioni i bluve ne Lazarat. Behet fjale per Matjas Muhamet Bocia, vjeç 23, banues në Lazarat Gjirokastër: Florian Nexhip Shurdhi, vjeç 29, banues në Lazarat Gjirokastër: Juxhin Avdul Bocia, vjeç 19, banues në Gjirokastër: Xhevahir Miftar Doçi, vjeç 29, banues në Dunavat Gjirokastër: Ali Mato Basha, vjeç 46, banues në Lazarat Gjirokastër: Emiljano Bejko Aliko, vjeç 31, banues në Lazarat Gjirokastër.

Të gjashtë ata dyshohen si autorë të sulmit me armë ndaj forcave të policisë në datat 15 dhe 16 qershor, në momentin që këto forca po zhvillonin operacionin policor për identifikimin e sipërfaqeve të kultivuara me bimë narkotike dhe asgjesimin e tyre.

Po ashtu këta shtetas dyshohen se, në bashkëpunim me persona të tjerë, janë autorët e sulmit ndaj gazetarëve të televizionit A1 Report, të cilëve u kanë marrë e dëmtuar dhe kamerat, telefonat, laptonin, si dhe të dëmtimit me armë të mjetit të këtij televizioni, mjet i cili më pas është djegur.

Efektivi i policisë S.M 32 vjeç, është plagosur sot në orën dy të mëngjesit në lagjen "Pllakë", si pasojë e të shtënave me armë që vinin nga Lazarati.

HermesNews - ©2014

Dërgo me email | Stampo artikullin