16/06/2014 15:42:18

Mediat e huaja sytë nga Lazarati

Fshati i i shqipërisë prodhon rreth 900 ton drogë çdo vit, sa gjysma e GDPsë së një shteti ballkanik

(15:37) Fshati i vogël i Lazaratit mendohet se prodhon rreth 900 Ton drogë marijuanë në vit, me një vlerë rreth 4.5 billion euro ($6.1 billion) - rreth gjysma e DGPsë së një vendi të vogël ballkanit, shkruan sot Washington Post.

(15:30) Ministri i Brendshëm Saimir Tahiri, përmes një deklarate për shtyp nga Fusha e Aviacionit Civil në Tiranë, i ka bërë thirrje banorëve të Lazaratit, ku po kryhet një operacion i gjerë policor të dorëzohen, pasi policia do të çojë deri në fund punën e saj për të çuar para drejtësisë shkelësit e ligjit.

“Nuk ka zot të ju dali për mbrojtje. Jemi të vendosur të zbatojmë ligjin dhe do vijojmë deri në fund atë që kemi nisur, pra të kthejmë vendin ligjshmëri të plotë,” tha Tahiri.

“I bëj thirrje dhe atyre që edhe tani në këto moment kanë marrë armët në Lazarat se keni bërë llogaritë shumë gabim. Mos mendoni se ka zot në tokë se do ju dalë zot nëse kundërshtoni me armë polcinë e shtetit. Hidhni armët dhe lini policinë të bëjë detyrën në të kundërt forca e ligjit do të veprojë si asnjë herë tjetër. Jemi në mbështetje të plotë të plotë të Policisë, si unë si Ministër ashtu dhe Kreu i Policisë së Shtetit”, shtoi Ministri i Brendshëm.

Ministri i Brendshëm gjeti rastin dhe sulmojë edhe sistemin e drejtësisë. “Jetojmë në një monet ku policia kap tonelata me drogë, ku policia ndërmerrë aksione të paimagjinushme më parë, ai aksioni i sotëm në Lazarat, apo ai në fushë kuqe, ndërsa gjyqtarët lirojnë të akuzuarit me arsye të paimagjinueshme për çdo njeri, por jo për ata vetë, të cilët pasurohen me lekët e paligjshmërisë”, tha Tahiri.


(15:30) Kryeministri shqiptar, Edi Rama, me anë të një postimi në rrjetet sociale ka shtruar një pyetje ndaj opozitës, në lidhje me aksionin policor antidrogë që ka nisur në Lazarat. “1 pyetje që s’po di si ti kthej pergjigje: Pse s’flet PD-ja dhe e mbështet a jo Policinë e Shtetit përballë atyre që qëllojnë me armë në Lazarat?”, ka shkruar Kryeministri Rama në faqen e tij zyrtar në Facebook.


(15:09) Ministria e Brendshme bënë të ditur përmes një komunikate zyrtare se në kuadër të këtij aksioni, Ministria e Punëve të Brendshme dhe Policia e Shtetit u bëjnë thirrje të gjithë banorëve të fshatit Lazarat, të distancohen nga elementët kriminalë që janë duke u konfrontuar me armë me policinë dhe për arsye sigurie, të evitojnë daljen nga banesat e tyre. Të gjithë qytetarët e tjerë, të evitojnë plotësisht hyrjen për në fshatin Lazarat deri në një njoftim të dytë zyrtar të policisë.

Personat, emrat e të cilëve janë listuar nga policia si të dyshuar për goditjen me armë ndaj forcave të policisë dhe që pretendojnë se nuk kanë lidhje me këtë ngjarje, të drejtohen në Komisariatin me të afërt për të dhënë dëshmitë dhe sqarimet e tyre. Banorët e zonave përreth fshatit Lazarat këshillohen të bëjnë kujdes me lëvizjen jashtë banesave të tyre, deri në përfundim të këtij operacioni policor.

Shërbimet e Policisë së Shtetit janë në gadishmëri të plotë për t’u ardhur në ndihmë në çdo kohë, të gjithë qytetarëve që do të kenë nevojë. Policia e Shtetit fton të gjithë ata persona, të cilët pretendojnë që nuk kanë qënë të pranishëm në sulmin me armë ndaj strukturave të Policisë së Shtetit, të paraqiten në Komisariatin më të afërt në vendet ku ato ndodhen.

Policia e Shtetit në të gjithë vepimet e saj ka qenë në krah të banorëve të Lazaratit, duke i ndarë ata nga pjesa e inkriminuar.

Ndërkohë Policia e Shtetit bashkëpunoi dhe me kreun e pushtetit vendor në Lazarat, duke i dhënë mundësinë që të negociojë me këto persona që kanë kundërshtuar me armë policinë, por jo vetëm që nuk u bë e mundur të bindë personat, por u dha mundësi atyre që pas dy orësh të largohen nga banesa që ishte nën rrethimin e policisë.

Strukturat e Policisë do të vijojnë veprimet për përmbushjen e objektivave të vendosur në mbrojtje dhe të banorëve të Lazaratit nga personat e inkriminuar.


(13:25) Policia ka mbërritur në objektiin e paracaktuar brenda kapanoneve të Gate Mahmutaj. Objekti është nën kontroll dhe operacionet vijojnë.

(12:00) Strukturat e Policisë së Shtetit, vijojnë masat e marra në kuadër të planit të operacionit të ndërmarrë. Në kuadër të këtyre masave është bërë i mundur identifikimi i personave që së bashku me Gate Mahmutaj kanë kundërshtuar me armë policinë. Të gjithë këta persona janë me precendentë penalë apo kriminal në fushën e trafikimit të lëndëve narkotike dhe krimeve të rënda. Nga hetimet e kryera dhe të dhënat e grumbulluara ka rezultuar se personat që qëlluan me armë në drejtim të forcave të polciisë janë:
1. Albion Aliko
2. Alban Aliko
3. Jurgen Boci
4. Jeton Kalemi
5. Abaz Rabi
6. Emiljan Aliko
7. Matjaz Boci
8. Ali Basha
9. Adem Sala
10. Shkelqim Krishti
11. Artur Gjini
12. Sherif Kazma
13. Sokol Skendi
14. Florijan Shurdhi
15. Sevdi Shurdhi
16. Martin Muho
17. Adriatik Gaba
18. Carcan Gaba
19. Haki Buci
20. Hamza Buci
21. Agim Avduli
22. Syrja Sinani
23. Izmir Hebovija (Shkodrani)
24. Kostandin Xhuvani
25. Erjon Haxhiaj
26. Arsen Banaj

(11:45) Sipas policisë greke dje, një trafikant i rrezikshëm shqiptar arriti t'u shpëtonte forcave policore në Janinë. Grekët bllokuan një sasi lënde narkotike që kishte si destinacion Greqinë. Bëhet fjalë për 130 kilogramë mariuanë që u gjetën në një mjet xhip që kishte dalë nga fshati Lazarat i Gjirokastrës dhe po udhëtonte drejt kufirit grek.

(11:26) Policia greke po patrullon nga ana tjetër e kufirit për ndalimin e mundshëm të trafikantëve të drogës. Grekët patrullojnë me helikopterë kufirin tokësorë me Shqipërinë, pas incidenteve në zonat kufitare. Sipas policisë greke helikopterët janë të pajisur me mjete vëzhgimi me rezolucion të lartë dhe përmes operacioneve synohet identifikimi dhe kapja e elementëve të inkriminuar. Policia e Shtetit ka bërë të ditur se nuk do të tërhiqet dhe ka bërë thirrje për bashkëpunim të autoriteteve lokale dhe qytetarëve.

(11:03) Lazaratasi Gate Mahmuti ishte denuar me 22 vite burgin dhe ishte amnistuar.

(10:32) Drejtori i Përgjithshëm i Policisë së Shtetit ka vënë në gatishmëri gjithë strukturat operacionale të Policisë së Shtetit, të cilat do të vihen në lëvizje në varësi të situatës. Aktualisht në terren janë rreth 500 forca policore, të cilët kanë bërë rrethimin e zonës. Policia e Shtetit është e vendosur për realizimin e misionit të saj, si dhe për të “çliruar” dhe popullin e Lazaratit nga ky grup personash kriminal. //komunikate//

(09:03) Zëdhënësja e policisë Laura Totraku tha se në këtë operacion janë përfshirë rreth 500 forca policore.

GJIROKASTER - Policia e shtetit ka filluar një operacion në shkallë të gjerë në fshatin Lazarat, për identifikimin e drogës. Gjatë kontrollit të tre ditëve më parë persona të paidentifikuar kanë qëlluar me armë në drejtim të uniformave blu, të cilët vazhdojnë të sulmojnë deri në këto momente me armë, mitroloz, antitank, mortajë dhe kallashnikov. Policia u bën thirrje banorëve që të distancohen nga kriminelet dhe të bashkëpunojnë me policinë, e cila ka identifikuar zonën dhe grupin e personave që po qëllojnë. Zëdhënësi i policisë Gentian Mullai tha se po qëllohet nga banesa e një shtetasi i identifikuar si Gate Mahmuti, person me precedent kriminal, i dënuar më parë dhe i arrestuar nga Renea. Ai u fal nga ish presidenti i republikës Alfred Moisiu. Zëdhënësja e policisë së shtetit Laura Totraku, thotë u plagos nga të shtënat, një 45 vjeçar, banor i fshatit të Lazaratit.

HermesNews - ©2014

Dërgo me email | Stampo artikullin