15/06/2014 17:12:32

Kush e ndërtoi Katedralen ?

nga Doriana Metollari

SHKODER - Cdo turist dhe besimtar ndalet para Katedrales më të famshme të Shkodrës, në Gjuadol. Atje ndodhet një kompleks madhështor me kisha dhe zyrat e arqipeshkvisë rreth e rrotull. Kompleksi është një ndër më të bukurit në Shqipëri, pa dyshim.

Sigurisht që ndërtesa ka dhe pjesët e saj më interesante. Një pllakartë e vënë në krahun e djathtë të katedrales, të bën të ndalosh hapin, pasi mban simbolet e masonerisë dhe plus një të mbishkrim në gjuhën italiane me "Dio Vede Tutto", domëthënie tipike e syrit brenda drejtkendëshit, mason.

Një pllakartë në murin e një ndërtese është firma e e atij që derdh fondet për ndërtimin e institucionit, ose jep kontribute të tjera.

Kjo pllakartë masone sipër murit të katedrales së shkodrës, mund të jetë një firmë e atyre që kanë ndihmuar, derdhur paratë për ndërtim, dhe e shkruajtur në italiasht të bën të gjesh pak a shumë dhe origjinën e tyre, por në rastet kur heshtja është stil jete, asgjë nuk është e thënë.

Simbolet masone nuk janë diçka e rrallë: në Itali, ekziston një prej qëndrave më të mëdha Torino, shoqëri e legalizuar, por sipër murit të një kishe, mund të nxjerrë shumë pyetje për të gjithë të apasionuarit pas simboleve të masonerisë.

Gjithsesi një gjë është e sigurtë, pllakarta ka dhënë një ndihmesë të çmuar në ndërtimin e Katedrales dhe në mënyrën e saj Kisha Katolike e ka falenderuar, ose jo.


* Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi

HermesNews - ©2014

Dërgo me email | Stampo artikullin