15/06/2014 08:03:27

Vriten 30 terroriste ne Siri

Bombë në brendësi të një automjeti të një trafikanti armësh

DAMASK - Të paktën 30 terroristë u vranë sot në një shpërthim të fuqishëm në një treg armësh në Al Mayadeen, një qytet sirian pranë kufirit me Irakun, njoftoi televizioni shtetëror. “Një shpërthim i fuqishëm tronditi një treg ku shiteshin armë për terroristët në Al Mayadeen. Të paktën 30 terroristë u vranë dhe dhjetra të tjerë u plagoën”, njoftoi kanali televiziv, ku termi terrorist përkufizon në fjalorin e regjimit të gjithë ata që i kundërvihen presidentit Bachar al Assad. Sipas Observatorit Sirian të të Drejtave të Njeriut (OSDH), “bëhet fjalë për një bombë në brendësi të një automjeti të një trafikanti armësh që shpërtheu aksidentalisht, duke shkaktuar shpërthime të njëpasnjëshme nëpër municionet dhe armët që ndodheshin në vend”.

HermesNews - ©2014

Dërgo me email | Stampo artikullin