14/06/2014 19:06:33

Dhurimi i gjakut kthehet në traditë

Në hollin e kryeministrisë dhurohet gjak

TIRANE - Holli protokollar i Kryeministrisë sot është shndërruar në një ambient ku është dhuruar gjak në ndihmë të atyre që kanë nevojë për lëngun e jetës. Pikërisht, në atë ambient ku zhvillohen pritje të rëndësishme dhe aktivitete të ndryshme sot u vendosën punonjësit e Bankës së Gjakut dhe vullnetarët e Kryqit të Kuq. Kryeministri Edi Rama dhe stafi i Kryeministrisë iu bashkuan sot nismës “Dhuro gjak, shpëto jetë”, në kuadër të Ditës Botërore të Dhurimit të Gjakut. Kryeministri Rama apeloi që të gjithë qytetarët të dhurojnë gjak, duke e vlerësuar si një detyrim të të gjithëve, në ndihmë të njerëzve në nevojë. “Në ketë holl të Kryeministrisë, ne do ta çelim këtë traditë nga sot dhe çdo vit do ta bëjmë traditë dhurimin e gjakut”, vijoi Kryeministri.

HermesNews - ©2014

Dërgo me email | Stampo artikullin