14/06/2014 13:11:50

Arkeologji apo vrasje ?

nga Doriana Metollari

HermesNews - Në Shkodër u gjet një skelet, 900 vjeçar, publikoi hermesnews me datë 24 Maj të këtij viti, duke cituar mediat lokale. Zbulimi i bërë nga shqiptarë dhe polakë, (ende pyes sa është shkencor e sa është policor), ndodhi në kalanë Rozafa dhe u quajt më i madhi i të gjitha kohërave. E megjithatë askush nuk u kujtua të pyesë më shumë.

Skeleti, citojmë përsëri mediat lokale, ishte dërguar në Francë për ekspertizë të hollesishme, brenda pak kohësh, pa bujë, pse ?

Grupi i arkeologëve nuk ka dhënë asnjë komunikatë zyrtare për shtyp, çfarë do të kishte qenë A-ja e një zbulimi të madh.


Arkeologët jo vetëm që nuk kanë bërë asnjë komunikatë, por i kontaktuar nga hermesnews njëri prej tyre Helidon Sokoli, tha se skeleti nuk ka qenë 900 vjeçar (bingo!!) dhe se mediat e kanë deformuar informacionin, pa dhënë shumë saktësira, për opininin publik. Punën e mediave ia besova, por nga ana tjetër më bëri të mendoj fakti që arkeologu nuk pranoi as t'ia publikoja një komunikatë të tyren (grupit) me të dhënat e tyre. Mungese absolute profesionalizmi nga ana e tij.

Pse nuk jepni një komunikatë zyrtare, e pyes ? Normalisht pas kësaj biseda u shkëput.

Ecim prapë...

Zëdhënësi i shtypit në policinë e shkodrës, Bardhyl Saliu, i kontaktuar nga HermesNews, pohoi se policia nuk kishte marrë telefonatë që mund të fliste rreth zbulimit të një skeleti, por më lini të shtoj se anjë burim zyrtar deri tani nuk ka konfirmuar nëse skeleti ka qenë 900 apo 9 vjeçar (fjala bie).

Tani po ua shpjegoj pse i telefonova policisë.

I kontaktuar nga hermesnews, një arkeolog italian pohon se sipas rregullave të brendshme, çdo zbulim skeleti para se të pohohet nëse është shkencor, pra para çdo skeleti pavarësisht, ndalohen gërmimet dhe thirret policia e cila bën verifikimet.

Si ta marrim vesh se ky skelet është 900 vjeçar kur afër tij, askush nuk na tha se janë gjetur sende me vlerë ? Zakonisht në afërsi të zbulimeve të tilla, ekzistojnë gjithmonë sende të tjera që i përkisnin skeletit, qoftë armë antike, apo objekte vetjake, me vlera shekullore.

A u gjetën sende afër këtij skeleti ? Pse nuk na e thanë ?

Mediat nuk kanë dhënë asnjë informacion të tillë, sinqërisht dua të di se cili ishte burimi që konfirmoi moshën e skeletit ? Nëse nuk ishte 900 vjeçar pse ia futën kot ?

Tani në gjithë këtë vakuum, a kemi të bëjmë me skelet antik apo vrasje ? Nëse ishte skelet, sipas cilave proçedurave dhe rregullave u nis për në Francë ? A u mor leje ? Kujt iu mor ? Kur kthehet zbulimi dhe a do të përfunojë ndonjëherë në muze, të paktën ?

Eshtë një rrugë e gjatë të arrish deri tek akuzat. Preferoj të filloj nga pyetjet, atëherë, kush do t'i përgjigjet ?

HermesNews - ©2014

Dërgo me email | Stampo artikullin