14/06/2014 08:42:51

Strategji, jo trupa ushtarake në terren

Shtëpia e bardhë përgatit mundësitë për të mbështetur forcat irakiane të sigurisë

WASHINGTON - Presidenti i SHBA-së, Barack Obama konfirmoi sot se nuk do të dërgonte trupa tokësore në Irak. SHBA-të fillojnë shqyrtimin e mundësive të tjera në ditët e ardhshme. "Ne nuk do të dërgojmë trupat amerikane në luftë në Irak", tha Obama. "I kam kërkuar ekipit tim (…) të përgatisë një sërë mundësish për të mbështetut forcat irakiane të sigurisë", shtoi presidenti që nga Shtëpia e Bardhë. Obama theksoi se nuk duhet pritur një veprim amerikan brenda natës dhe se procesi i vendimit dhe planifikimit të një veprimi, çfarëdo qoftë, duhet të marrë disa ditë. I pyetur për ndonjë frikë të mundshme përsa i përket prodhimit të naftës, Obama nënvizoi se në këtë stad, asnjë shqetësim i madh nuk është konstatuar. "Nëse EIIL do të jetë i aftë të marrë kontrollin e rafinerive të mëdha, kjo mund të bëhet një burim shqetësimi", shtoi ai.

HermesNews - ©2014

Dërgo me email | Stampo artikullin