13/06/2014 17:46:40

Kapet i dyshuari i vjedhjes në muze

Nis proçedimi penal në gjendje të lirë për 18 vjeçarin me iniciale E.E

LIBRAZHD - Një 18 vjeçar është ndaluar e më pas është lënë për t’u gjykuar i lirë, pasi dyshohet se është autori i vjedhjes së disa sendeve trashëgimore të ruajtura në Muzeun Etnografik. Burime të Policisë, bëjnë të ditur se "është ndaluar e më pas ka nisur proçedimi penal në gjendje të lirë për 18 vjeçarin me iniciale E.E, me banim në lagjen nr. 1, në qytetin e Librazhdit. Bëhet e ditur se në muze, 18 vjeçari dyshohet të ketë vjedhur disa enë kuzhine e material prej bakri e prej bronxi. Po ashtu, mësohet se gjithçka ai e ka paramenduar mirë, pasi banon shumë pranë godinës së muzeut historike - etnografik, ndaj dhe e ka patur të lehtë hyrjen në të në momentin e orëv e të vona të natës. 18 vjeçari akuzohet për veprën penale të "vjedhjes", ndërsa materialet në ngarkim të tij i kanë kaluar prokuorisë së rrethit gjyqësor Elbasan.

HermesNews - ©2014

Dërgo me email | Stampo artikullin