13/06/2014 15:04:41

MIlionerët paguajnë për 5 minuta në hapesirë

Udhëtim me bileta në hapësirë

PEKIN - Në Kinë shiten në internet bileta për fluturime të shkurtëra në hapësirë, vetëm pesë minuta, të rezervuara nga klientë që nuk u bën përshtypje tarifa që kalon 70 mijë euro, njoftoi media sot. "Gjithsej janë regjistruar 305 kandidatë në vetëm pak minuta për një fluturim privat të propozuar nga kompania holandeze SXC në faqen e shitjeve në internet Taobao", theksoi gazeta China Daily. Mes tyre figurojnë biznesmenë që vijnë nga metropolet ekonomike si Shangai apo Chengdu. Fluturimet në hapësirë do të zhvillohen në një anije kozmike dy vendëshe, piloti austronaut dhe një pasagjer, ku parashikohet të përdoren dy versione anijesh kozmike, “Lynx Mark I” që do të arrijë në latërsinë 61 kilometra dhe “Lynx Mark II” në latërsinë 103 kilometra. Në faqen e saj të internetit kompania SXC shpjegon se është themeluar nga profesionistë me eksperiencë hapësinore, që i dedikohen zhvillimit të fluturimeve në hapësirë si mjet transporti tregtar.

HermesNews - ©2014

Dërgo me email | Stampo artikullin