13/06/2014 13:57:33

Projekti i PD-së që po i kthen besimin elektoratit

Basha në Fier, PD hedh sytë tek të zhgenjyerit e mazhorancës

FIER - U zhvillua sot analiza e zgjedhjeve të zhvilluara në grup - seksionin nr.2, në qytetin e Fierit. Basha ka theksuar se projekti i PD-së po kthen besimin, jo vetëm tek demokratët por edhe tek të gjithë shqiptarët, të cilët sot janë të mashtruar dhe zhgënjyer nga kjo mazhorancë. "Kjo parti e ka një projekt sot, ka një projekt ringritjeje përmes hapjes, bashkimit, ribashkimit, fillimit të ri. Po të mos ishte kjo, nuk do të kishim pasur këtë vërshim anëtarësie që ne kemi pasur sot e kësaj dite, nga jugu në veri dhe që jemi dëshmitarë se po ndodh në Tiranë. Ka një projekt ringritjeje, përmes një opozite të mbështetur mbi fakte dhe argumente që sot dëgjohet, respektohet, pse jo edhe përqafohet nga qytetarë e votues që ndoshta dje as nuk mund t’u shkonte mendja t’i kthenin sytë nga PD. Përmes këtij angazhimi, ne po rikthejmë shpresën dhe besimin, kaq të nevojshëm, në dyert e vatrat e çdo shqiptari e jo vetëm çdo demokrati", deklaroi kreu i PD. Në seksionin nr. 2, janë zhvilluar gjatë ditës së djeshme edhe zgjedhjet për kryetar.

HermesNews - ©2014

Dërgo me email | Stampo artikullin