12/06/2014 16:48:51

1124 telefona celular kontrabandë

Telefonat celularë kontrabandë, ishin fshehur në kabinën dhe kasetat ndihmëse të kamionit të drejtuar nga shtetasi Shpetim Baholli

TIRANE - Strukturat e Antikontrabandës të Drejtorisë së Përgjithshme të Doganave, bënë të mundur zbulimin e 1124 telefonave celularë të padeklaruar në degën e doganës Kakavijë, duke evituar kështu hedhjen e paligjshme në treg të këtij numri të madh telefonash celularë. Telefonat celularë kontrabandë, ishin fshehur në kabinën dhe kasetat ndihmëse të kamionit të drejtuar nga shtetasi Shpetim Baholli. Vlera e faturës për mallin është 98.360 euro, detyrimi Doganor i munguar ka vlerën 2.747.785 lekë dhe për këtë shkelje është aplikuar një penalitet prej 5.495.570 lekë, në një total 8.243.355 lekë. Drejtoria e Përgjithshme e Doganave bën të ditur se është e vendosur në luftën kundër kontrabandës dhe evazionit fiskal.

HermesNews - ©2014

Dërgo me email | Stampo artikullin