12/06/2014 16:26:12

Të luftojmë shfrytëzimin e fëmijëve

Institucionet shtetërore qendrore dhe lokale duhet të vijojnë ndërmarrjen e hapave konkretë për të ulur fenomenin e shfrytëzimit të fëmijëve

TIRANË - Avokati i Popullit në kuadër të 12 qershorit, ditës ndërkombëtare kundër punës së fëmijëve, i bën thirrje shoqërisë dhe institucionet shqiptare për mbrojtjen më të mirë të fëmijëve dhe ofrimin e alternativave për përmirësimin e jetesës së fëmijëve në nevojë. Në deklaratën e Avokatit të Popullit, publikuar për mediat thuhet se, "Qeverisja lokale dhe qendrore, organizatat vendore dhe ndërkombëtare, mediat dhe aktorë të tjerë duhet të ndërmarrin veprime të menjëhershme për forcimin e sistemit të mbrojtjes sociale". "Ngritja e mekanizmave efiçentë për zbatimin e legjislacionit dhe strategjive ekzistuese dhe fuqizimi, shtrirja dhe forcimi i Njësive për Mbrojtjen e Fëmijëve në të gjithë territorin e Republikës së Shqipërisë, përbëjnë hapa që do të ndihmojnë në eleminimin e fenomeve të dëmshme për jetën, shëndetin dhe mirërritjen e fëmijëve", shkruan Totozhani.

HermesNews - ©2014

Dërgo me email | Stampo artikullin