12/06/2014 08:06:35

Britanikët pa pasaporta

Cameron deklaroi se Ministria e brendshme po bën gjithçka për të zgjidhur problemin

LONDËR - Kaos pasaportash në Mbretërinë e Bashkuar, çka rrezikon pushimet verore të mijëra britanikëve pasi Ministria e Brendshme nuk është në gjendje të zgjidhë të gjitha kërkesat për pajisje me pasaportë të qytetave. Kryeministri britanik, David Cameron është detyruar të pranojë në parlament se vonesat prekin rreth 30 mijë praktika, pasi Zyra e Pasaportave ka patur 300 mijë kërkesa më shumë krahasuar me periudhat normale. Cameron deklaroi se Ministria e Brendshme po bën gjithçka për të zgjidhur problemin. Kështu, në zyrat e pasaportave në të gjithë vendin punohet shtatë ditë të javës, që nga ora 07:00 deri në mesnatë. Kjo polemikë shpërtheu pasi në media dolën disa foto që tregonin kuti të mbushura me praktika për aplikim për pasaportë, të lëna në një magazinë.

HermesNews - ©2014

Dërgo me email | Stampo artikullin