10/06/2014 20:05:01

Borxhet e Clinton-ëve

''Ne kishim rreth 12 milionë dollarë borxhe'', tha ish-shefja e diplomacisë amerikane për kanalin televiziv ABC

NEW YORK - Ish-sekretarja e Departamentit amerikan te Shtetit, Hillary Clinton tha sot se familja e saj kishte 12 milionë dollarë borxhe kur u largua nga Shtëpia e Bardhë duke theksuar se edhe nëse jeta e tyre kishte qenë shumë e ndryshme nga ajo e shumë amerikanëve, ata kishin pasur të njëjtat probleme si shumë njerëz të tjerë. “Ne kishim rreth 12 milionë dollarë borxhe”, tha ish-shefja e diplomacisë amerikane për kanalin televiziv ABC, ndërkohë që nje liber i saj i ri sapo u hodh në shitje në SHBA. “Na u desh të punonim shumë. Unë isha në Senat dhe nuk mund të bëja shumë gjëra dhe i jam shumë mirënjohëse tim shoqi, që ka punuar gjithnjë fort, që kur ka lindur”, vazhdoi Hillary. Çifti presidencial u detyra të hynte në borxhe për të financuar kryesisht avokatët për çështjen ”Monica Lewinsky”, që ”helmoi” mandatin e dytë të Bill Clintonit (1997-2001). Në një intervistë për të njëjtin kanal të publikuar dje, Hillary Clinton kishte thënë se familja jo vetëm që nuk kishte më të ardhura por kishte hyrë edhe në borxhe kur lanë Shtëpinë e Bardhë në vitin 2001.

HermesNews - ©2014

Dërgo me email | Stampo artikullin