09/06/2014 20:26:06

Që sot, ''Shqipëria solidare''

Ministri i Mirëqenies Sociale dhe Rinisë Erion Veliaj në Elbasan, ndihma për gratë

ELBASAN - Skema e re e ndihmës ekonomike si dhe sistemi i dixhitalizimit të ndihmës ekonomike ishte qëllimi i një bashkëbisedimi mes ministrit të mirëqenies sociale dhe sinisë, Erion Veliaj, me banore elbasanas, ku moren pjese edhe kryetari i Bashkisë, Qazim Sejdini dhe prefekti Arben Kamami. Nën sloganin Shqipëria Solidare, ministri Veliaj deklaroi se “nuk do ta quajmë më ndihma ekonomike, por Shqipëria solidare”.

“Shqipëria harxhon 200 milionë dollarë vetëm për ndihmën ekonomike dhe Shqipëria solidare reflekton atë që është realisht: shqiptarë që ndihmojnë disa shqiptarë të tjerë. Këto para kanë një fund, ato nuk janë pa fund. Me kushtet që është ekonomia sot, ne nuk mundet dhe nuk duhet t’i rrisim taksat. Kemi ulur në 20 për qind numrin e personave që merrnin pa të drejtë ndihmë ekonomike duke pastruar skemën nga abuzuesit dhe duke dixhitalizuar këtë skemë”, tha Veliaj.

HermesNews - ©2014

Dërgo me email | Stampo artikullin