09/06/2014 15:06:01

Kina manovra ushtarake me SHBA-në

Marina kineze do të marrë pjesë në manovrat e ardhshme ''RIMPAC'' manovra të gjera shumëkombëshe të organizuara nga Uashingtoni në oqeanin Paqësor

PEKIN - Kina konfirmoi sot pjesëmarrjen e saj, për herë të parë, në manovra të gjera ushtarake detare dhe ajrore të organizuara nga SHBA-ja, njoftoi sot e përditshmja e ushtrisë kineze, pavarësisht nga mosbesimi që ekziston mes dy fuqive. Marina kineze do të marrë pjesë në manovrat e ardhshme "RIMPAC”manovra të gjera shumëkombëshe të organizuara nga Uashingtoni në oqeanin Paqësor, raportoi e përditshmja ushtarake kineze. Sipas një zëdhënësi të marinës, është hera e parë që Kina pranon të ketë një rol.
Kjo pjesëmarrje vjen në kohën kur Pekini është i angazhuar në një seri konfliktesh territoriale me fqinjët e tij aziatikë, kryesisht Vietnamin, Japoninë dhe Filipinet, madje dy të fundit janë aleatë të ngushte të SHBA-së dhe ndërkohë që Uashingtoni shqetësohet për rritjen e buxhetit ushtarak kinez."Për manovrat e parashikuara në mes të qershorit dhe në të cilat marrin pjesë më shumë se 20 vende, Pekini do të dërgojë katër anije, një destrojer, një fregatë, një anije mbështetëse dhe një anije spital", theksoi gazeta.

HermesNews - ©2014

Dërgo me email | Stampo artikullin