09/06/2014 11:29:15

Alarm i KLSH-së. Miliarda Lekë vjedhje në Durrës

Auditi i kontrollit të lartë të shtetit. Miliona Euro vjedhje në Durrës: 17 ish drejtorë nën akuza, ndër ta dhe dy ish nënkryetarë bashkish

DURRES - 17 ish drejtorë të akuzuar për abuzime të ndryshme dhe vjedhje priten të arrestohen pas akuzave të kontrollit të lartë të shtetit. Ata akuzohen për pabarazi me tendera dhe akuza të tjera. Fondet për të cilat flitet kapin shifrat e miliona eurove me paratë e shtetit. Akset rrugore për të cilat akuzohen dhe sot kanë mbetur pa mbaruar. Bëhet fjalë për disa akse rrugore në komunat e Durrësit, rehabilitime sheshesh, kalatash, shkollash, qëndra shëndetësore, rrjete uji. Prokuroria e krimeve të rënda ka marrë në dorë raportet e fundit të KLSH dhe pas kësaj është gati për proçedime penale. Gazeta Telegraf publikoi sot dhe emrat e dy ish nënkryetarë bashkie të durrësit, ish drejtori i ADP-së, 9 zyrtarë të bashkisë durrës, dy ish kryetarë komunash, dhe disa ish drejtorë si ai i ujësjellesit, mirëmbajtja rrugore etj. Organi i akuzës dhe pse ka patur shumë denoncime nuk ka nisur çështje penale, shkruan Telegraf, iniciativë për këtë ishte Këshilli i Lartë i Drejtesisë. Miliona euro të pajustifuikuara me dosje. Auditimi është bërë në autoritetin portual Durrës për periudhën 01.09.2010 deri në datë 31.10.2013. Në raportin përfundimtar të auditimit, vlera e fondeve të menaxhuara në kundërshtim me ligjin është 2.35 miliard lekë ose 16,9 milionë euro.

HermesNews - ©2014

Dërgo me email | Stampo artikullin