05/06/2014 13:58:56

Kushti i mazhorancës: OK komisionit, që nga 2009-ta

Socialistët pranojnë në parim kërkesën për komision hetimor

TIRANE - Të ligjshme apo jo emërimet në administratë, demokratët insistojnë në komisionin hetimor për verifikimin e emrave të emëruar dhe bashkë me to është rihapur debati famëkeq për trafikun e drogës. "Ne besojmë fort se funksionimi normal i administratës shtetërore është i lidhur ngushtësisht me pastërtinë e figurës së zyrtarëve publike dhe emërimet duhet të bazohen në integritet moral dhe paanësi politike. Për fat të keq pas ardhjes në pushtet të qeverisë Rama-Meta është vënë re një vullnet i palëkundur për diçka tjetër, për zhbërjen e administratës shtetërore ekzistuese", tha Oerd Bylykbashi. Mazhoranca dhe pse jo kundër këtij komisioni, ka kërkuar që të zgjerohet objekti i tij në kohë, nga 2009 deri në 2014-tën. Dje opozita akuzoi kreun e ri të qarkut të vlorës Sadrit Danaj për rrëmbimin e një vajze në Itali. Akuza u hodh poshtë nga Danaj i cili veç kësaj publikoi dhe një çertifikatë penale dhënë nga Ministria e drejtesisë italiane, e cila çertifikon se nuk ka qenë i dënuar për këtë vepër penale.

HermesNews - ©2014

Dërgo me email | Stampo artikullin