04/06/2014 08:16:46

KE: kërkesë Sofjes për South Stream

Preferenca e dhënë për kompanitë ruse dhe bullgare pa publikimin e tenderit në Fletoren Zyrtare të BE-së është një shkelje e qartë e rregullave të BE-së

ù



BRUKSEL - Komisioni Europian i kërkoi sot Sofjes të pezullonte ndërtimin e gazjellësit “South Stream” në territorin e saj duke argumentuar se rregullat evropiane për tregjet publike nuk ishin respektuar nga ana e Bullgarisë. ”Komisioni u ka drejtuar një letër paralajmërimi autoriteteve bullgare, etapa e parë e procedurës së shkeljes për pezullimin e ndërtimit të seksionit të ‘South Stream’ mbi territorin bullgar”, njoftoi Komisioni. “Preferenca e dhënë për kompanitë ruse dhe bullgare pa publikimin e tenderit në Fletoren Zyrtare të BE-së është një shkelje e qartë e rregullave të BE-së për prokurimin publik”, shpjegoi Sabine Berger, zëdhënëse e Komisionerit të Energjisë, Gunther Oettinger. “Komisioni kërkoi shpjegime dhe pezullimin e punimeve përderisa diskutimet nuk kanë përfunduar ende”, saktësoi ajo.

HermesNews - ©2014

Dërgo me email | Stampo artikullin