02/06/2014 14:13:26

Protesta e studentëve për reformë

Ata kundërtojnë veçanërisht çështjen e financimeve të Universiteteve shtetërore dhe private sikurse edhe rritjen e tarifës së shkollimit

TIRANE - Ashtu siç kishin paralajmëruar, Këshilli studentor, zhvilluan sot përpara kryeministrisë një protestë duke kundërshtuar draftin e Ministrisë së Arsimit dhe Sportit për reformën në Arsimin e Lartë.

Ndër kërkesat e tyre të shprehura në protestë, ata kundërtojnë veçanërisht çështjen e financimeve të Universiteteve shtetërore dhe private sikurse edhe rritjen e tarifës së shkollimit, duke pohuar si arsimimi i tyre nuk mund të shihet si biznes, por një vatër dijeje.

“Studentët dhe pedagogët nuk janë pyetur fare për draftin, ndaj ky proçes është nisur për së mbrapshti, rrjedhimisht duhet të anulohet”, u shpreh njëri prej studenteve.

“Reformimi i arsimit të lartë është e drejtë dhe detyrë e Universitarëve, pra e studentëve dhe e pedagogëve si aktorët themelues të Universitetit” janë shprehur organizatorët e marshimit duke theksuar se “ne duam të hapim mundësinë për një reformë serioze të Arsimit të Lartë, ç’ka duhet të nisë nga kushtet e jetesës dhe kushtet e studimevedhe e drejta dhe detyra e qeverisë është t’a mbështesë një reformë të tillë”.

HermesNews - ©2014

Dërgo me email | Stampo artikullin