30/05/2014 13:44:18

Dëmshpërblime & Denoncime

Pasi shpërndau këstet e para për disa të përndjekur, Veliaj bën thirrje për të menduar për ata që realisht kanë 23 vjet që kanë mbajtur frymën gjallë pa asnjë qindarkë nga shteti

TIRANE - Ministria e Mirëqënies Sociale dhe Rinisë ka shpërndarë këstin e parë për disa prej ish të perndjekurve politikë. Duke iu referuar kryetarit të grevës, Fatmir Hoxha, ministri Veliaj shpjegoi se Hoxha jo vetëm që nuk ka bërë asnjë ditë burg, por ka marrë prona të Institutit të të përndjekurve. "Fatmir Hoxha që drejton grevën, përveçse nuk ka bërë asnjë ditë burg, pretendoi që nëna e vet ka bërë 9 muaj burg. Por, nëna e vet për 9 muaj burg ka marë 19 milion lekë, të dyja këstet, ndërsa daja i tij i ka marre 20 milion lek kesh", u shpreh Veliaj. Ai sqaroi se kishte dokumenta për padrejtësitë që Hoxha ka bërë. "Ja ku kemi denoncimin, ai ka marrë 3 dyqane: drejtuar Prokurorisë së rrethit Tiranë, në ngarkim të Fatmir Hoxha për veprën penale "vjedhje me shpërdorim detyre", "falsifikim dokumentash" dhe "shpërdorim të detyës zyrtare". Pushim nga detyra, kallzim penal në ngarkim të tij në zbatim të kodit penal të nenit 248, 134, 135, 136”, nënvizoi ministri Veliaj.

HermesNews - ©2014

Dërgo me email | Stampo artikullin