30/05/2014 13:11:01

29% e të rinjve të papunë

Shkalla e papunësisë për popullsinë banuese të moshës 15 vjeç e lart në tetor të vitit 2011 ishte 29,3%

TIRANE - Nga 2.221.572 vendbanues të zakonshëm të moshës 15 vjeç e lart në tetor të vitit 2011 rezultojnë 677.950 të punësuar, 280.305 punëkërkues të papunë dhe 1.263.317 ekonomikisht jo aktivë. Këto janë të dhënat e gjetura nga INSTAT në cencusin e vitit 2011. Shkalla e papunësisë për popullsinë banuese të moshës 15 vjeç e lart në tetor të vitit 2011 ishte 29,3% nga e cila për meshkujt ishte 28.0% dhe për femrat ishte 31.4%. Shkalla e pjesëmarrjes në forcat e punës e popullsisë banuese 15 vjeç e lart ishte 43,1%, ndërsa shkalla e punësimit ishte 30,5%. Në sektorin e bujqësisë 65% e të punësuarve i përkasin kategorisë punëtorë pa pagesë në biznesin e familjes. Të punësuarit me pagë në sektorin e industrisë, ndërtimit dhe shërbimeve përbëjnë pjesën më të madhe të të punësuarve me 82,4% , 67,1% me 82,4% , 67,1% dhe 71,5% respektivisht. Të punësuarit në sektorin e shërbimeve janë rritur me 14 pikë përqindje (35,7% në vitin 2001 në krahasim me 49,7% në 2011) Qarku me shkallën më të lartë të papunësisë ishte Kukësi (51,3%) dhe me shkallën më të ulët të papunësisë ishte Berati (20,7%).

HermesNews - ©2014

Dërgo me email | Stampo artikullin