28/05/2014 19:24:21

Meshkujt nuk do paguhen më shumë

Një burrë nuk mund të paguhet më shumë sesa një grua për të njëjtin pozicion pune

TIRANE - Administrata shqiptare ka dhënë një shembull konkret, të barazisë gjinore,e cila jo vetëm që është formë përfaqësimi por ka rezultuar edhe efikase për punën e institucionit. Erjon Veliaj, Ministri i Mirëqenies Sociale, deklaroi sot se dikasteri që ai drejton ka një shumicë dërrmuese të nëpunësve femra dhe kanë treguar efikasitet. Veliaj, e bëri këtë deklaratë gjatë një trajnimi të nëpunësve për barazinë gjinore. "Ne kemi 6 ministre femra, dhe kjo është çështje stili jetese, çështje mentaliteti e cila do të na mundësojë të kemi një shoqëri të emancipuar", u shpreh Veliaj. Ministri u ndal tek pjesa e buxhetimit ku sipas tij, "ndryshimet në kodin e punës, do të mundësojnë harmoninë dhe barazinë gjinore, kryesisht një burrë nuk mund të paguhet më shumë sesa një grua për të njëjtin pozicion pune". Në pjesën e dytë të vitit fillon buxhetimi për vitin tjetër dhe pavarsisht nëse jemi në Ministri të ndryshme, impakti është njëlloj tek opinioni pubik.

HermesNews - ©2014

Dërgo me email | Stampo artikullin