28/05/2014 19:07:06

23 miliardë lekë eksport mallrash

Sipas statistikave, në muajin prill 2014 importi i mallrave arriti vlerën 44 miliard lekë

TIRANE - Në muajin prill 2014 eksporti i mallrave arriti vlerën 23 miliard lekë, duke u rritur me 10,3% në krahasim me prillin e vitit 2013 dhe 6,6% në krahasim me marsin e vitit 2014. Sipas statistikave zyrtare të INSTAT-it, rritje më të madhe vjetore ka patur në eksportet e grupeve “prodhime druri dhe letre” me 46,3%, “produkte kimike dhe plastike” me 33,9% dhe “tekstile dhe këpucë” me 28,9%. Ndërsa uljen më të madhe vjetore e pati eksporti i grupit “materiale ndërtimi dhe metale” me 19,6 %. Në muajin prill 2014 importi i mallrave arriti vlerën 44 miliard lekë, duke u rritur me 6% në krahasim me prillin e vitit 2013 dhe 3,6% në krahasim me marsin e 2014-ës. Shkëmbimet tregtare me vendet e BE zënë 67,2% të të gjithë tregtisë. Partnerët kryesorë tregtarë janë Italia që zë 36,4% të totalit, Greqia me 8,9% dhe Turqia me 6%.

HermesNews - ©2014

Dërgo me email | Stampo artikullin