28/05/2014 18:55:10

Përsëri në vend të parë

Është e katërta herë radhazi që Merkel pozicionohet në majë të klasifikimit të grave më të pushtetshme të botës

NEW YORK - Kancelarja gjermane, Angela Merkel është më e pushtetshmja e botës. Merkel renditet para presidentes së bankës qëndrore amerikane (Fed) Janet Yellen. Emri i kancelares u publikua sot në listën vjetore të revistës Forbes. Është e katërta herë radhazi që Merkel pozicionohet në majë të klasifikimit të grave më të pushtetshme të botës dhe hera e nëntë në 11 vite.Filantropja Melinda Gates është e treta, në të njëjtin pozicion si vitin e kaluar, presidentja braziliane, Dilma Rusef kalon nga vendi i dytë në të katërtin dhe francezja Christine Lagarde, drejtoresha e fondit monetar ndërkombëtar (FMN), fiton dy pozicione, nga i shtati në të pestin. Hillary Clinron është numri gjashtë i kësaj liste vjetore të grave më të pushtetshme të botës, mes 18 grave. Të 100 gratë më të pushtetshme të botës (www.forbes.com/power-women) punojnë në fushën e teknologjisë, politikës, biznesit, medias, financës, botës së spektaklit, në organizatat e bamirësisë ose janë miliardere. Pushteti i tyre u përçaktua nga revista “Forbes” në funksion të të ardhurave, të pushtetit mediatik, të impaktit dhe të sferës së influencës.

HermesNews - ©2014

Dërgo me email | Stampo artikullin