27/05/2014 17:49:23

Miratohet kredia 37.7 milion Euro

Komisioni i Ekonomisë dhe Financave miratoi marrëveshjen e cila do të mundësojë ndërtimin e linjës së transmetimit të energjisë që do të përmirësojë furnizimin e konsumatorëve të pjesës jugore të vendit

TIRANË - Kuvendi i hap rrugë miratimit në seancë plenare të kredisë €37.7 milionë që do të përdoret për projektin e Linjës Unazore 110 kilovolt të Shqipërisë së Jugut. Komisioni i Ekonomisë dhe Financave miratoi marrëveshjen e cila do të mundësojë ndërtimin e linjës së transmetimit të energjisë që do të përmirësojë furnizimin e konsumatorëve të pjesës jugore të vendit. Ky projekt, që po mundësohet për t’u realizuar në sajë të marrëveshjes së huasë dhe e ratifikuar me një ligj të vitit 2010, është lidhur ndërmjet Ministrisë së Financave e Operatori i Sistemit të Transmetimit (OST) dhe bankës gjermane të zhvillimit, “KfW”. Linja 110 kv do të furnizojë me energjie elektrike qarkun e Vlorës, Gjirokastrës dhe Korçës. Punimet për përfundimin e kësaj linje pritet të zgjasin dy vjet ndërsa vlera totale e investimit arrin në 49 milionë euro.

HermesNews - ©2014

Dërgo me email | Stampo artikullin